தனுஷ்கோடி பற்றிய முந்தைய பகுதிகள்
ராமேஸ்வரமும் மற்ற பகுதிகளும் கொஞ்சம் கொஞ்சமாக இயல்பு வாழ்க்கைக்குத் திரும்ப ஆரம்பித்திருந்தாலும், தனுஷ்கோடி முழுவதுமாய் அழிந்திருந்தது. இந்நேரத்தில் பத்திரிகைகள் வேறுவிதமான ஒரு பீதியைக் கிளப்பின, "தனுஷ்கோடி புயலில் சிக்கிய ஜெமினி கணேசனும் அவரது மனைவி சாவித்திரியும் மாயம்". தமிழகமெங்கும் இந்த செய்தி இன்னும் பரவலாகப் பேசப்பட்டது. தங்களுக்கு எதுவும் ஆகவில்லை தாங்கள் நலமாக இருப்பதாக ஊடகங்களின் வாயிலாக தகவல் அறியப்பட்டதுமே தமிழகம் அந்தப் பீதியில் இருந்து தெளிந்தது. இருந்தும் புயலின் தாக்கம் பற்றி இவர்கள் கூறிய கருத்துக்கள் தனுஷ்கோடி வரலாற்றில் மிக முக்கிய இடம் பிடிக்கின்றன.
புயலைப் பற்றி ஜெமினி மற்றும் சாவித்திரி பின்வருமாறு குறிபிடுகிறார்கள் :
"ஓயாம காத்து அடிச்சிட்டே இருந்தது. நிறைய நரி ஊளையிடற சத்தம் விடாம கேட்டுதே இருந்தது. புயல் காத்து அப்புறம் நரி ஊளையிடுற சத்தம், மழை எல்லாமே சேர்ந்து ஒருவித திகலாவே இருந்தது. சினிமால தான் இந்த மாதிரியான காட்சிகள் இருக்கும். அன்னைக்கு நைட் எங்களால தூங்கவே முடியல."
"அடுத்த நாள் காலைல தனுஷ்கோடி மக்கள் எல்லாரும் ராமேஸ்வரம் நோக்கி ஓடிவாறாங்க. அவங்க நிலமைய பார்த்தப்போ தான் புயலோட தீவிரம் முழுசா தெரிஞ்சது. அவங்க எல்லாரும் கையில பிணங்கள தூக்கிட்டு ஓடி வந்தாங்க. அந்தக் காட்சிய பாக்குறதுக்கே கொடூரமா இருந்தது." தங்கள் பேட்டியில் ஒருவித மிரட்சியுடன் அந்த காட்சியை விவரித்து இருகிறார்கள்.
ராமேஸ்வரம் ரயில்வே அதிகாரிகளைத் தொடர்பு கொண்டு ராமேஸ்வரம் ரயில் நிலையத்தில் நின்று கொண்டிருந்த ரயிலை தங்களுக்காக பாம்பன் வரை முடியுமா என்று கேட்டுள்ளனர். இருந்த நிலகரிகள் அனைத்தும் புயல் மழையோடு சென்று விட்டதால் எரிபொருள் இல்லை என்று கூறி கையை விரித்துவிட்டனர் . அதன்பின் பேரிழப்பைப் பார்வையிட வந்த முதல்வரை சந்தித்து ஜெமினி தங்கள் நிலைமையை எடுத்துக் கூற அவரும் உதவி செய்வதாக கூறியுள்ளார். பின்பு ஒருவழியாக அவர்கள் பாம்பன் வந்து அங்கிருந்து மோட்டார் படகு மூலம் ராமநாதபுரம் வந்து பின் மதுரையிலிருந்து விமானம் மூலம் சென்னை வந்து சேர்ந்துள்ளனர். ராமஸ்வரத்தில் இருந்து புறப்படுவதற்கு முன் தங்கள் கையிலிருந்த ஆயிரம் ரூபாயையும் அங்கிருந்த மக்களுக்காகக் கொடுத்துவிட்டுத் தான் வந்துள்ளனர்.
ராமேஸ்வரத்தில் தங்கியிருந்த ஜெமினி கணேசன் மற்றும் சாவித்திரியைப் பார்ப்பதற்கு வந்திருந்த தனுஷ்கோடி மக்கள் புயலில் இருந்து தப்பித்துள்ளனர் என்பது இங்கே குறிப்பிடப்பட வேண்டிய விஷயம். அப்படித் தப்பித்தவர்களில் ஒருவர் கூறுகிறார் " அன்னிக்கு மட்டும் நான் ராமேஸ்வரம் போகாம இருந்திருந்தா என் பொண்டாட்டி புள்ளைங்கள காப்பாத்தி இருப்பேன், இல்ல அதுங்களோட சேர்ந்து ஒரேடியாப் போயிருப்பேன்" தன்னைச் சந்திக்கும் பலரிடமும் இந்த வார்த்தைகளையே கூறிக் கொண்டுள்ளார்.
மக்கள் வாழ்வாதரங்களை இழந்த நிலையில் அரசு தனுஷ்கோடியை மக்கள் வாழத் தகுதியற்ற நகரம் என்று அறிவித்தது. தன்னுடைய அத்தனை அடையாளங்களையும் அன்றைய ஒருநாள் புயலில் மொத்தமாக இழந்தது தனுஷ்கோடி. ரயில்நிலையம், தபால்நிலையம், தந்தி ஆபீஸ், சுங்கச் சாவடி, மாநிலத்தின் முக்கியமான துறைமுகம் மற்றும் மீன்பிடி நிலையம் என்று தனது அன்றாட வாழ்கையை இழந்து மக்கள் வாழத் தகுதியற்ற என்ற நிலைக்குத் தள்ளப்பட்டது.
தனுஷ்கோடி மக்களுடன் சேர்ந்து அன்று தொலைந்த தனுஷ்கோடி இன்று வரை அடையாளம் காணப்படாமல் அப்படியே நிற்கிறது, எஞ்சிய தனுஷ்கோடியின் மிச்சங்களையும் பூர்வகுடிகளையும் சுமந்துகொண்டு.
(பதிவின் நீளம் கருதி தனுஷ்கோடியின் இன்றைய நிலையைப் பற்றி அடுத்த பதிவில் எழுதுகிறேன். அடுத்த பகுதியுடன் தனுஷ்கோடி தொடர் நிறைவடையும் ).
| Tweet |
எஞ்சிய தனுஷ்கோடியின் மிச்சங்களை சுமந்து கொண்டிருக்கும் காட்சியை ஒருமுறை சென்று பார்த்த நினைவுகளை மீட்டிய பகிர்வுகள்....
ReplyDeleteஹ்ம்ம்... ஆனால் பதிவு முழுக்க ஜெமினி மயம்!
ReplyDeleteசுனாமியை விட இந்தப்புயலின் கோரத்தாண்டவம் படு மோசமாக இருக்கே.எந்தவித தொலைத்தொடர்பு வசதிகள் இல்லாத அந்தக்காலகட்டத்தில் இது போன்ற இயற்கை பேரிடர்களை மக்கள் எவ்வாறு எதிர்கொண்டார்கள் என்று நினைக்கும் போது ஆச்சர்யமாக இருக்கிறது.இந்தக்கூத்துல ஜெமினி சாவித்திரி கதை வேற நடந்திருக்கா... நல்ல சுவாரஸ்யமாகவும் விறுவிறுப்பாகவும் இருந்தது சீனு... வாழ்த்துக்கள்.
ReplyDeleteநல்ல தகவல் தொகுப்பு... நன்றி சகோ
ReplyDeleteநல்ல பல வரலாற்று செய்திகள் இருக்கும் பதிவு.. சினிமா நடிகர்களின் மேல் இருக்கும் மோகம் கூட சிலரின் உயிரை காப்பாற்றியிருக்கிறதே? நம் மக்களுக்கு சினிமா என்பது வாழ்வின் ஒரு பகுதி.. தனுஷ்கோடியில் நேரில் சென்று அந்த நிகழ்வுகளை பார்த்தது போல் இருந்தது.. வாழ்த்துக்கள் நண்பா :-)
ReplyDeletearumai nanbare nalla thagaval
ReplyDeleteதனுஷ்கோடி பத்தின வரலாறு எனக்கு தெரியாது தல..உங்க தொடர் மூலமா நிறைய தெரிஞ்சுகிட்டேன்.
ReplyDeleteGemini patriya visayangal aachariyamaga ullathu, intha puyal patri sila varigal abdul kalam agni sirakukalil solli irukirar anna
ReplyDelete.வணக்கம் ..சீனு
ReplyDeleteநிறைய விடயங்களை .கொண்டேன் ..
அடுத்த பகுதியையும் விரைவில் போடவும்
ReplyDeleteசுவாரஸ்யமாகச் சொல்லி வருகிறீர்கள் சீனு. கணினிக்கு உடல்நிலை சரியில்லாமல் போனதில் சற்றே தாமதம்.
அருமையான விவரிப்பு! தொடருங்கள்!
ReplyDeleteசமீபத்தில் சென்றேன். பல விதமான உணர்வுகள்.
ReplyDeleteநன்று
ReplyDelete