சீரியசாய் ஒரு பதிவு...

இந்த நல்ல நாளிலே வை.கோபாலகிருஷ்ணன் அய்யா அவர்கள் தங்களுக்குக் கிடைத்த விருதை நூற்றியெட்டு பதிவர்களுடன் பகிர்ந்து கொண்டுள்ளார். அத்துணை பதிவர்களின் பெயருடன் மட்டும் நில்லாது லிங்கையும் இணைத்திருப்பது மகிழ்ச்சிக்குரியது. ஒருபதிவில் லிங்க் இணைப்பது என்பது சாதாரண காரியம் இல்லை. இவ்வளவு சிரத்தை எடுத்து தான் பெற்ற விருது நாமும் பெற வகை செய்த  அய்யா அவர்களுக்கு மீண்டுமொருமுறை மகிழ்ச்சி கலந்த வணக்கங்களைத் தெரிவித்துக் கொள்கிறேன்.

தொழிற்களம் அறிவுப்பு கண்டு அவர்களுக்கு மின்அஞ்சல் அனுப்பி இருந்தேன், மகிழ்வுடன் என்னைத் தங்கள் தளத்தில் எழுதுவதற்கு அனுமதித்து உள்ளார்கள். நான் பதிவு எழுத ஆரம்பிபதற்கு முன்பு சில தளங்களில் எழுதும் வாய்ப்பு கேட்டு முயன்றுள்ளேன், நிராகரிக்கப் பட்டுள்ளேன். தொழிற்களம் நிராகரிக்காமல் என்னை ஏற்றுக் கொண்டது குறித்து பெருமகிழ்ச்சி அடைகிறேன். தொழில்நுட்பம் சார்ந்த பதிவுகள் எழுதும் அளவிற்கு திறமை இருக்கிறதா என்று தெரியவில்லை. காரணம் கணினி தேடலைத் தவிர்த்து வேறு எதிலும் ஈடுபாடு காட்டியதில்லை இருந்தும் ஒரு ஆர்வம், முயற்சி. 

பதிவர் சந்திப்பு. பதிவு எழுத ஆரம்பித்த சம காலத்தில் பதிவர் சந்திப்பு நடைபெற இருக்கிறது. இது நிச்சயமாக ஒரு நல்ல அனுபவத்தை படிப்பினையை ஆர்வத்தைத் தரும் என்ற ஆர்வத்துடன் மகிழ்வோடு பதிவை சந்திப்பை எதிர்நோக்கிக் காத்துள்ளேன்.

நான் செய்யும் தவறுகளை திருத்தி, உங்கள் எண்ணங்களை என்னுடன் பகிர்ந்து வரும் வலையுலக நண்பர்கள் அனைவருக்கும் சிறப்பான நன்றிகள். 

இன்று இந்த நாளில் தான் என்னடைய இருபத்தி ஐந்தாவது பதிவை எழுத வேண்டுமென்று கடந்த மாதம் நினைத்திருந்தேன். ஆனால் அதன் பின் தொடர்ந்து வந்த நிகழ்வுகளால் அடிகடி பதிவுகள் எழுதி குறைந்த காலத்தில் அதிகமான பதிவுகள் எழுதி விட்டேன். இதன் பின் வரும் ஒவ்வொரு பதிவுகளையும் குறைந்தது ஒரு வாரம் அல்லது ஐந்து நாட்கள் இடைவெளி கொடுத்து எழுதலாம் என்று இருக்கிறேன். 'எவ்வளவு பதிவுகள் எழுதுகிறாய் என்பது முக்கியம் இல்லை, அதில் எத்தனை பயனுள்ள விசயங்களைப் பகிர்கிறாய் என்பதே முக்கியம்' என்று முன்னொரு நாளில் மூத்த பதிவர் ஒருவர் எனக்கு ஆலோசனை வழங்கி இருந்தார். அந்த ஆலோசனை வழி நடக்கலாம் என்று முடிவெடுத்துள்ளேன்.  

இந்த நாளை நல்ல நாள் என்று சொல்லுவதற்கும், இந்தப் பதிவை இத்தனை சீரியசாய் எழுதியதற்கும், இருபத்தி ஐந்தாவது பதிவை இந்த நாளில் எழுதி இருக்கலாம் என்று நான் நினைத்தற்கும் காரணம் ஒன்றே... அறிந்து கொள்ள இங்கே சுட்டுங்கள்... 

Tweet