பதிவுலக நண்பர்களே... நமக்காக ஒரு பதிவு...

பதிவுலகம் புதுமையா! இல்லை புதிதாக வருபவர்களை தட்டிக் கொடுத்து மெருகேற்றும் பதிவுலக நண்பர்கள் புதுமையா! தெரியவில்லை. பதிவுலகில் புதிது புதிதாக நடைபெறும் ஒவ்வொரு அசைவுகளையும்  இருகரம் கூப்பி வரவேற்கும் பதிவுலக நண்பர்களை தமிழ் பெற்றிருப்பது நிச்சயம் புதுமை தான்... 

பதிவுலக நண்பர்களே... நமக்காக ஒரு பதிவு... என்பது நான் வைத்த தலைப்பு எதையுமே நகைச்சுவையாக பகிரும் நண்பன் ஹாரியோ இவ்விசயத்திற்கு வைத்த தலைப்பு சீரியஸ் பதிவு. ஆம் மிகவும் சீரியசாக நேர்த்தியாக வடிவமைத்து அதில் நம்மையும் பங்கெடுக்க வைக்கும் அளவிற்கு சிந்தித்த அவனது சிந்தனை வரவேற்கப்பட வேண்டிய ஒன்று. அதற்காக முதல் நன்றிகள். அதில் பங்குபெற அழைக்கும் உங்களுக்கு என் முதல் வணக்கங்கள். 

பதிவுலக நண்பர்களாகிய நாமெல்லாம் சேர்ந்து ஒரு தொடர் கதை எழுதப் போகிறோம் அதில்வரும் ஒவ்வொரு பாகங்களையும்  ஒவ்வொரு பதிவர் எழுதப்போகிறார். ஒரு தொடர் சங்கிலி போன்ற நிகழ்வு இது. கிடைக்கும் பலன்கள்  

புதிய பதிவரின் அறிமுகம் 

நம் திறமையை அறிய நமக்கே ஒரு வாய்ப்பு

அதனை  சகபதிவர்கள் அறியும் வாய்ப்பு

கதையை தொடரவும் தொடர்ந்து படிக்கவும் ஒரு வாய்ப்பு

பெரிய அளவில் வெற்றி பெற்றால், பதிவுலக சாதனையாகும் வாய்ப்பு 

தோல்வி அடைந்தாலும் அதில் பங்கெடுக்கும் வாய்ப்பு 

தொடர் பதிவு எழுத விதிமுறைகள்

1. இது ஒரு தொடர் பதிவு மட்டுமே.. எழுதுபவர்கள் அவரவர் பிளாக்கில் அந்த பதிவை வெளியிடல் வேண்டும்.. ஆனால் முந்தைய பகுதி  லிங்குகள் கொடுக்க பட வேண்டும்.

2.  கதைக்கு அந்த வாரம் எழுதும் பதிவரே வித்தியாசமான பெயர்கள்  வைக்கலாம்..

3. நகைச்சுவையாக, கொலைவெறியோடு, காதலோடு, உலக சினிமா போல், கிராமத்து பின்னணியில், செவ்வாய் கிரகத்தில் எப்படியும் கதையின் பாதையை தொடரலாம்.. 

4. பதிவர்களின் விருப்பதிற்கு அமைய நீங்கள் இன்னும் எத்தனை கதாபாத்திரங்களைவேண்டுமானாலும் கதையில் இணைக்கலாம்.. புத்தகம், நாவல், பொது வாழ்க்கை, அரசியல் பிரபல கதாபாத்திரங்களை தெரியலாம். (ஸ்பைடர் மேன், சுஜாதாவின் கணேஷ் வசந்த், ஒபாமா)

5. அதிக கதாபாத்திரங்களை இணைத்தாலும் முக்கிய கதாபாத்திரங்களை பிரதான கதைக்குள் நகர்த்துங்கள். 

6. இங்கு கதை எழுதுபவர்கள் பல தரப்பட்ட நடிகர்களின் ரசிகர்கள் ஆனாலும் பக்க சார்பாக எழுதமாட்டார்கள் என்பதை மற்ற நண்பர்களுக்கு கூற கடமை பட்டுள்ளேன்.(என்ன ஒரு ராஜ தந்திரம் ஹாரி அவர்களே)

7. மேலும் நகைச்சுவை, கிரைம் கலந்து எழுதினால் அடுத்த பகுதி எழுதும் நண்பருக்கு லீட் கிடைக்கும்.. அப்படி ஏனைய லீட் வைத்து எழுத கூடிய திறமைசாலிகள் அவர்கள் ஸ்டைலில் எழுதலாம். 

8. ஆனாலும் அந்த கதையில் ஒரு பதிவில் ஆரம்பமும் முடிவும் இருத்தல் வேண்டும்.. (X FILES போல அல்லது சில ஆங்கில தொடர்கள் போல)

9. இதுவரை ஓகே சொன்ன எழுத்தாள சிகாமணிகள்.. கதை முடிவில் கலைமாமணிகள் ஆனாலும் ஆச்சரிய பட ஒன்றும் இல்லை.. 

மேற்கூறிய விதிமுறைகள்  கடைபிடிக்கப்பட்டால் மட்டுமே அடுத்த பதிவை எளிதில் தொடர முடியும்.  சுவாரசியம் நிறைந்த தொடராக நம்மால் மாற்ற முடியும் என்பது நிச்சயம்.  

எந்த அழைப்பும் விடுக்காமல் ஹாரி என்னை பதிவெழுத அழைத்தான், நானும் சிலருக்கு அழைப்பு விடுகிறேன் அவர்கள் இத்தொடருக்கு ஊக்கம் அளிப்பார்கள் என்ற நம்பிக்கையில்... நான் அழைப்பு விடுக்கும் பதிவர்களின் தளங்களில் அவர்கள் சிறுகதையை படித்துள்ள காரணத்தால் அழைக்கிறேன், நான் அழைக்காததால் உங்களுக்கு சிறுகதை எழுதத் தெரியாது என்றில்லை, ஆர்வம் இருப்பின் உரிமையோடு வந்து கலந்து கொள்ளுங்கள் அழைப்பு வரவில்லை என்று கோபம் மட்டும் கொள்ளாதீர்கள். 

மின்னல்வரிகள் கணேஷ் சார் 

சென்னை பித்தன் 

என் ஜன்னலுக்கு வெளியே நிரஞ்சனா 

எங்கள் பிளாக் ஸ்ரீராம் சார்  

பாலா பக்கங்கள் பாலா 

தூரிகையின் தூறல் மதுமதி 

வெங்கட் நாகராஜ் 

ரிஷபன் 

வெங்கட் ஸ்ரீநிவாசன் 

இந்தத் தொடர்கதை பற்றிய பதிவுகள் நண்பன் ஹாரியின் தளத்தில்

உலக வரலாற்றில் முதல் முறையாக....

சீரியஸ் பதிவு

அறிவிப்பு வழங்கியதோடு மட்டுமில்லாமல் நம் பயணத்தையும் தொடங்கி விட்டான்...

தொடர் கதையின் ஆரம்பக் கதை படிக்க இங்கே சுட்டுங்கள் 

ரஜினி முதல்வரானால் - யுத்தம் ஆரம்பம் - தொடர்

இந்தத் தொடர் பதிவின் அடுத்த பாகம் நான் எழுத இருப்பதால் வெகு விரைவில் என்னுடைய தளத்தில் வெளியிடப் படும் என்ற அறிவிப்பையும் சேர்த்துக் கொள்கிறேன்.

உங்கள் விருப்பத்தை நண்பன் ஹாரியிடம் சொல்லுங்கள் .

உங்கள் கருத்துகளை இங்கே  பகிர்ந்து செல்லுங்கள்.

Tweet