புதுப்பொலிவுடன் - திடங்கொண்டு போராடு

இந்த மாதம் முழுக்க இத்தனை நாட்களில் இதுவரை ஒரே ஒரு பதிவு தான் எழுதி இருக்கிறேன், பதிவு எழுத ஆரம்பித்த மாதம் தொடர்ந்து இத்தனை காலங்களில் இல்லாத சிந்தனை வறட்சி, நிச்சயமாய் என்னால் இதனை "சிந்தனை வறட்சி" என்று தான் வகைப் படுத்த முடிகிறது. யாருடைய வலைபூவிற்கும் நான் செல்லவில்லை ஒரு வேலை நான் சென்றிருந்தாலும் சென்றதற்கான தடத்தைப் பதிக்கவில்லை. எப்போது அடுத்த பதிவை எழுதுவாய்? என்றதன் பின் தான் ஏன் என் வலைப்பூவிற்கு வரவில்லை என்ற கேள்வியைக் கேட்டனர். எனக்கு பதில் சொல்லத் தெரியவில்லை, முதல் பத்து நாட்கள் தான் உடல் நிலை சரி இல்லாமல் இருந்தது, மீதமிருந்த நாட்கள் - சிந்தனை வறட்சி. 

சென்ற வாரம், எப்படியோ ஒரு பதிவை எழுதி அதையும் மிகப் பெரிய வெற்றிக்கு கொண்டு சேர்த்து விட்டனர் நண்பர்கள். வரும் அஞ்சு பத்து  கமேன்ட்டுகளையே அதிசயமாய்ப் பார்ப்பேன், வரபோகும் கமெண்ட்டுகளை ஆர்வமாய் எதிர்பார்ப்பேன், சென்ற பதிவிற்கு வந்த கமன்ட்டுகள் மூலம் முதல் முறை சதம் கடந்தேன், எனக்கே மலைப்பாய் இருந்தது, இத்தனைக்கும் கடந்த நாட்களில் நான் யார் பதிவிற்கும் சென்று இருக்கவில்லை, அவர்கள் என்ன பதிவுகள் எழுதி இருந்தார்கள் எழுதுகிறார்கள் என்பதைக் கூட அறிந்து இருக்கவில்லை, இருந்தும் என்னை மதித்து என்னை வைத்து கும்மி அடித்த அனைத்து நண்பர்களுக்கும் மகிழ்வான நன்றியைத் தெரிவித்துக் கொள்கிறேன். 

பதிவு எழுத ஆரம்பித்த நாட்களில் இருந்து இது வரை ஒரு முறை கூட டெம்ப்ளேட்டை மாற்றி அமைத்தது இல்லை, புதிதாக எதையும் சேர்த்ததும் இல்லை குறைத்ததும் இல்லை. எனக்கே என் வலைப்பூவைப் பார்க்கப் பரிதாபமாய் இருந்தது. சரி எதாவது செய்வோம் என்று களத்தில் குதித்தேன்,     

முதல் கட்ட ஆரய்ச்சியில் இறங்கினேன், என்ன செய்யப் போகிறோம் என்று தெரியாமல் யாரிடமும்  உதவி கேட்க முடியாது, என்னவெல்லாம் மாற்றங்கள் தேவை என்பதை ஆராய்ந்தேன், முதல் கட்டமாக "PAGES" என்கிற "WIDGET". நமது வலைப்பூவில் நாம் எழுதிய பதிவுகளை முறையாக ஒருங்கிணைக்கக் கூடியது, எத்தனையோ வலைப்பக்கங்களில் பார்த்து உள்ளேன், இருந்தும் எப்படி இதனை சேர்க்காமல் இருந்தேன் என்பது வியப்பாகவே உள்ளது, நீங்கள் இதுவரை உபயோகிக்க வில்லையா உடனே சேர்த்துக் கொள்ளுங்கள், மிகவும் அவசியமான விட்ஜெட். 

இதற்கு அடுத்து நான் செய்த அனைத்து வாஸ்து சாஸ்திரங்களுக்கும் உதவி புரிந்தவர்கள் பிளாக்கர் நண்பன் நமது டெக்னிகல் நண்பன் அப்துல் பாசித் அவர்களும் அண்ணன் வரலாற்றுச் சுவடுகள் அவர்களும். இவர்கள் சும்மா ஒன்றும் எனக்கு உதவி செய்து விடவில்லை, இது கூட உனக்கு தெரியாதா? இது கூட உனக்கு தெரியாதா! என்பது போன்ற அசிங்கப்படுத்தும் கேள்விகளை எழுப்பி அசிங்கப்படுத்தி அதன் பின்னரே கற்றுக் கொடுத்தனர் என்பது ரகசியம் அல்லாத ரகசியம். " தெரியாதுன்னு தானையா உங்க கிட்ட கேக்குறேன், அப்புறம் என்ன இது கூட உனக்கு தெரியாதான்னு ஒரு கேள்வி ". இருவரும் மிக மிகப் பொறுமையாக என்னை அசிங்கப் படுத்திக் கொண்டே கற்றுக் கொடுத்ததால், அவர்களும் எரிச்சல் அடையவில்லை. பின்ன ஆடு சிக்கி இருக்கு கெடா வெட்ட வேணாமா! 

தற்போது நான் புதியதாக மாற்றி அமைத்து இருக்கும் முதல் பக்கத்தை முறையாக வடிவமைக்க உதவி செய்தவர் நண்பன் பாசித். முறையாக மாற்றத் தெரியாமல் நான் செய்திருந்த தவறுகள் அனைத்தையும் சுட்டிக்காட்டி ஒழுங்கு படுத்திக் கொடுத்தார். மிச்சம் மீதி இருந்த டிங்கரிங் வேலைகள் அனைத்தையும் ஒவ்வொன்றாகக் கண்டுபிடித்து அதை சரி செய்ய சொல்லிக் கொடுத்தவர் அண்ணன் வசு என்கிற வரலாற்றுச் சுவடுகள். "ஆங் எல்லாம் சூப்பரா வந்த்ருக்குப்பா, இனி ஒரு பிரச்னையும் இல்ல" என்று உறுதி படுத்தியவர் ஹாரிபாட்டர். பாசித் அவர்களிடம் என்ன சந்தேகம் கேட்டாலும் சிரித்துக் கொண்டே சுட்டியை அனுப்புகிறார், அதில் நம் சந்தேகம் தீர தெளிவான விளக்கப் பதிவு ஒன்றை எப்போதோ எழுதி வைத்துள்ளார். நிச்சயம் மிகப் பெரிய விஷயம். ஒரு வாரம் முழுமையாக வேண்டும் பாசித் எழுதிய பதிவுகளைப் பரிசோதித்துப் பார்ப்பதற்கு.     

பதவி ஆசை இல்லை என்று கூறினாலும் மறைமுகமாக தனக்குள் பதவி ஆசை இருப்பதை வெளிபடுத்திய அண்ணன் அரசன் அவர்களின் கைவண்ணம்.      

     

சங்கத்து தீவிரவாதிக்கு நான் சொல்லிக் கொள்ள விரும்புவது, அனைத்து மாற்றங்களையும் உங்கள் தளத்தில் சங்கம் தன் சொந்த செலவில் செய்து தரும். அதுவரை தீவிரவாதச் செயல்களில் ஈடுபடமால் இருக்க சங்கம் அன்பான வேண்டுகோள் விடுகிறது. இந்நேரத்தில் ஒன்றை சொல்லியே ஆக வேண்டும், சதீஷ் அண்ணா இந்நிமிடம் வரை இந்த மாதத்தில் பதினான்கு பதிவுகள் எழுதி இருக்கிறார், ஒரு பதிவு எழுதவே ஒன்றும் தோன்றாத நேரத்தில் அண்ணன் விளையாடுறாரு. 

 

முகப்புத்தகத்தில் எனது பக்கம், விருப்பம் இருந்தால் லைக்குங்கள்...

விளம்பரம் :

அண்ணன் சதீஷ் அவர்கள் இந்தப் பதிவில் கேட்டிருக்கும் கேள்விக்கு நமது பதில் என்ன ?( நிச்சயமாய் உரத்த (அ) உரைக்க வேண்டிய சிந்தனை தான் ) 

விழுந்து கிடக்கும் "குடிமகன்கள்"-கைவிடப்பட்ட குடிமகன்கள்

பின் குறிப்பு : புதுபொலிவு பெற்றிருக்கும் என்னை தொடர்ந்து வலையுலகில் சந்திக்கலாம் என்பதை புதுப் பொலிவுடன் தெரிவித்துக் கொள்கிறேன்   

Tweet